icu
اخواني واخواتي النواب والنائبات والتكليف وكل من له علاقه بوزارة الصحة
.. ناس كتير كان عندها تساؤولات بخصوص تخصص العنايه المركزة
هل هو حلو .. ولا وحش .. هل هو صعب ولا سهل .. هل هو بيجيب فلوس ولا مابيجبش
.. وكنت انا واحد من الناس اللي كنت بسأل عن الامور دي
لحد ماجربت بنفسي .. وشفت الدنيا عامله ازاي .. وهانقلكم انطباعاتي اللي تكونت عن
التخصص بشكل عام وخاص
تخصص العنايه المركزة لو عايز تاخده .. يبقى جهز نفسك انك تتخلى كليا عن اي نشاط اخر
بتقوم فيه في حياتك بجوار الطب
انسى ان اسرتك واصحابك وفسحك وخروجاتك .. لان كل ده هايتردم عليه .. لان كل الوقت
اللي في حياتك هاتكرسه للعنايه وياريت يكفي
التخصص ده لو عايز تبقى فيه حاجة .. )) مش بتاع اسكيمات وبس (( يبقى لازم تاخده في
مكان نضيف فيه امكانيات عاليه .. ومعنى ان المكان نضيف .. يعني الحضور والانصراف من
نار .. وده معناه انك هاتعيش في المستشفى لان جدولك كله نباتشيات 54 ومابينهمها بتتعافي
من اثر المجهود بالنوم
.. تخصص العنايه هايستهلك كل قواك العقليه والذهنيه والنفسية والبدنية
هاتحتاج طول مانت قاعد بتقرى .. لانك لو مش عارف .. او مش متاكد العيان بيموت .. كيمة
معلومات رهيبة .. وكمية امراض لا تحصى
وشغل دماغك بقى يا معلم لان كل حاله بلغز مختلف والمطلوب منك تحله
تصحي .. العنايه العيانين بيطيرو فيها في ثانيه .. ممكن تغمض عينك ساعة .. في الاستراحة
تلاقي نص العاينين اللي عالسراير انتقلو الى رحمة الله
.. انت في العنايه كل المستشفى بترمي عليك بلاويها .. والمطلوب منك تصلح وراهم
الاستقبال منفد عليك اوتوماتيك .. والاقسام مش سايباك في حالك
.. بتبقى مقطع نفسك في كل الاتجاهات تليفون الرعايه مابيبطلش رن
مشغول ال 54 ساعة
اشاعات وتحاليل وارقام غرقان فيها طول اليوم .. وارقام بتحدد اتجاهاتك
تبقى شغال في عيان بيجاسب وفي نفس الوقت تلاقي عرض من الاقسام وعرض من الاستقبال
يا سلام بقى لو انت في الهليله دي لوحدك .. لما يكون النايب التاني اللي معاك مزوغ عشان
بيزاكر للامتحان .. او مريحله نصاية
بتشتغل 55 ساعة متواصله .. والاريع الساعات الاخيرة .. لو فكرت تريح فيهم .. هاتصحي
فيهم كل ربع ساعة
والصادم ان الن واب اللي بقالهم تلات سنين عالحال ده .. وفيه ناس بقالهم خمسة
تخصص العنايه المركزة .. تخصص عشر تخصصات في بعض .. مضروبين في خلاط
اللي عايز ياخد التخصص ده يفكر مليون مرة قبل مايدخل .. لازم لازم لازم لازم تكون مش
بتحب التخصص ده بس عشان تستحمله .. لازم تكون بتعشقه .. وبتدوب في هواه ومش قادر
تعيش من غيره .. عشان تقدر تستحمله
تخصص مالوش سقف توصله .. كل مايعدي عليك الوقت فيه كل مابيوسع منك
اينعم لو قدمت فيه شوية وركزت فيه .. هاتبقى دكتور مالكش حل .. وهاتبقى انت العمود الفقري
للمستشفى .. وانت حلال المشاكل .. وانت وجودك في المكان بيخلي كل اللي حواليك
يتنفسو الصعداء .. اينعم انت بتكون سبب بعد ربنا انك تنقذ حياه عيان .. اينعم ان لما حد في
المستشفى بيعرف انك نايب عنايه بيبقى باصصلك باحترام فائق
انت اللي بتبقى فاهم في كل ..اه انت اللي بتصلح ورا الاستشاريين في كل التخصصات
.. وقلبك بيموت ومابيهزكش حاجة ..التخصصات
بس كل ده ليه ضريبة .. ضريبه من استمتاعك بحياتك .. يعني كل كيلو بتحطه في التخصص ده
.. بتاخد 055 كيلو من حياتك
ده التخصص باختصار .. اينعم انا لسه نايب جنيور وانطباعاتي الشخصية لسه مش اكتملت ..
بس اللي انا كاتبه ده استخلصته من عيون النواب .. ومن الجنون اللي انا بشوفه يوميا في العنايه
معلومة اخيرة
.. عشان تبقى دكتور عنايه محترم ومتميز وفاهم انت بتعمل ايه
لازم تكتمل اضلاع المثلث
ستاف قوي .. امكانيات عاليه .. ريت عالي
غير كده يبقى اردم عليه .. لان نقص اي ضلع بيخل بباقي الاضلاع
والمكان اللي هايجيلك عليه نيباتك هو المكان اللي هاتكمل فيه باقي نيابتك
ونسيت اقولكم في النهاية .. اني على الرغم من ده كله فانا الحمد لله فرحان جدا بالتخصص ..
واني طول ال 54 ساعه ببقى قاعد مستمتع .. وربك يصلح الحال
منقول
No comments:
Post a Comment